Mi lastatempe provis la medikamenton “CBD”.

Ĝi ne estas medikamenta trovebla en la drogvendejo, de farmaciisto, per kuracista skribaĵo; ĝi estas farita per natura planto: kanabo. Ne la speco de kanabo de kiu la drogo mariĥuana venas; aŭ pli precize, ne de la speco kiu havas altan kiomon de THC. Sen THC, ĝi ne faras la menson “altigita.” Ĝi nur malstreĉigas la korpon kaj la senton. Oni uzas ĝin kontraŭ anksio kaj doloro.

Mi ofte estas sendorma, aŭ almeno dormas nesufiĉe. Mi ankaŭ suferas pro anksio kaj similaj afliktoj. Do mi provas CBD-on.

Laŭ mia malgranda sperto, la medikamento ja helpas por malstreĉigo kaj malanksiigo. La efekto ne estas granda aŭ okulfrapa (aŭ mensfrapa!) — nur iom helpema. Mi ĝojas pro la ekhavo de tia helpa aĵo.