Hieraŭ mi ne povis skribi, ĉar okazis elektroperdo en mia kvartalo.
Mi ĉeestis koncerton, kiu temis nur pri baletoj. La orkestro ludis kelkajn partojn de la sekvaj baletoj kaj estis kelkaj dancistoj:
- Romeo kaj Julieto de Sergei Prokofiev
- La dormanta belulino de Pyotr Ilyich Tchaikovsky
- La Nuksrompilo de Pyotr Ilyich Tchaikovsky
- Cignolago de Pyotr Ilyich Tchaikovsky
- Giselle de Adolphe Adam
- Don Quixote de Ludwig Minkus
Kiam la dirigento rakontis al ni la originalan finalon de Cignolago, la spektantaro lamentis, sed mi pensis: Ne estu ridinde sentimentalaj! Feliĉaj finaloj aĉas, mi volas tragedion!
Kiam la dirigento diris, ke neniu fakte legis la libron Don Quijote en mezlernejo, ĉar ĝi estas malfacilega, mi pensis: Sed mi ja legis la 2 librojn kaj ege ploris! Mi amas Don Quijote!
Jes, mi estas snobo.
Poste mi iris spekti mimon. Mi kredas, ke mi neniam antaŭe spektis mimon. Estis tre amuze. Temis pri maljuna viro. Kiam lia monero flugis el la scenejo, mi kaptis ĝin, iris al la scenejo kaj redonis ĝin al li. Li sendis al mi aeran kison. Mi tre ŝatis tion MDR
Toluko, Meksiko
Legu ankaŭ mian blogon.